Udalatxeko bira

Ibilbidea hasten da Monterronen, eta ezkerrera bidegorria hartuta Garaia industrialdera doa. Han bidegorria uzten du eta eskumarantz doa gorantz espaloitik. Gero, hartzen du gorantz doan errepidea, eta ezkerrerantz doa bidexkatik, elektrizitate dorrearen albotik. Bidexka hori doa pista bateraino, eta gero hura segitzen du aurrerantz. Kobate harrobia igarotzen du, eta aurrera egiten du abiadura handiko trenaren zubiaren azpitik; laster hartzen du eskumara Arlabango zubi naturalean, Karraskain errekan gora.
300 metro aurrerago hartzen du ezkerrera doan pista, eta igoera gogor baten ostean iristen da Besaidera, Yoshin Ogataren monumentura.
Han hartzen du eskumara, eta aurrera jarraitzen du iturria eskuman utzita. Gero, jarraitzen ditu PR ibilbidearen marra zuri-horiak. Laster hark eskumara egiten du, baina bidea doa aurrera, lehengo GR ibilbidearen marra zuri-gorrien atzetik. Pista nagusia utzi barik, Udalatx ostetik iristen da Kanpanzarrera.
Han jarraitzen du gaur egungo GR ibilbidea, baina eskumarantz igotzen duenean bideak egiten du Salturrira; handik zuzen, Udalako jaitsieratik Monterronera, irteera puntura

WIKILOKen ikusi eta GPS ibilbidea jasitsi